631 КОМПАНИЯ, 34 ЕЛ ЖӘНЕ 8 578 БІРЕГЕЙ КЕЛУШІ: KAZBUILD ЖӘНЕ AQUATHERM ALMATY 2026 КӨРМЕЛЕРІ ҚАЛАЙ ӨТТІ?

2026 ЖЫЛҒЫ 2–4 ҚЫРКҮЙЕК АРАЛЫҒЫНДА АЛМАТЫ ҚАЛАСЫНДАҒЫ «АТАКЕНТ» ҚІЫО АУМАҒЫНДА 32-ШІ ҚАЗАҚСТАНДЫҚ ХАЛЫҚАРАЛЫҚ ҚҰРЫЛЫС ЖӘНЕ ИНТЕРЬЕР КӨРМЕСІ KAZBUILD 2026 ЖӘНЕ ЖЫЛЫТУҒА, СУМЕН ЖАБДЫҚТАУҒА, САНТЕХНИКАҒА, КОНДИЦИОНЕРЛЕУГЕ ЖӘНЕ ЖЕЛДЕТУГЕ АРНАЛҒАН ТҰРМЫСТЫҚ ЖӘНЕ ӨНЕРКӘСІПТІК ЖАБДЫҚТАРДЫҢ 18-ШІ ХАЛЫҚАРАЛЫҚ КӨРМЕСІ AQUATHERM ALMATY 2026 ӨТТІ.

Үш күн ішінде көрмелерге 8 578 маман келді, ал іскерлік бағдарлама 111 спикер мен 42 іс-шараны біріктірді. Бірлескен экспозицияға 34 елден 631 компания қатысты. Олардың қатарында Әзірбайжан, Армения, Беларусь, Вьетнам, Германия, Гонконг, Грекия, Мысыр, Үндістан, Иран, Испания, Италия, Қазақстан, Қытай, Қырғызстан, Люксембург, Малайзия, Нидерланд, БАӘ, Польша, Португалия, Ресей, Сингапур, Словакия, Словения, Таиланд, Түрікменстан, Түркия, Өзбекстан, Украина, Финляндия, Франция, Чехия және Оңтүстік Корея бар. Қатысушылар географиясының кеңдігі – көрменің кәсіби келушілері ерекше атап өткен жайттардың бірі: «Көрмеге төртінші рет келіп отырмын. Әсерім жақсы: Қытайдан келген қатысушылар өте көп, Өзбекстаннан келген компаниялардың көптігі мен үшін жаңалық болды, сондай-ақ Ресейден келген достарымыз да көп. Жалпы, мұнда шынымен де көретін нәрсе бар», – Евгений Коннов, ROTORICA.

KazBuild 2026 аясында 27 елден 411 компания өз өнімдері мен шешімдерін ұсынды, оның ішінде 161 экспонент көрмеге алғаш рет қатысты. Aquatherm Almaty 2026 көрмесі 20 елден 220 компанияны, соның ішінде 64 жаңа қатысушыны біріктірді. Германия, Үндістан, Иран, Қытай, Ресей, БАӘ және Түркия компаниялары ұлттық және ұжымдық экспозицияларын ұсынды.

Павильондардағы экспозиция құрылыс жабдықтарын, терезе технологияларын, инженерлік жүйелерді, сондай-ақ сәулет және интерьер шешімдерін қоса алғанда, салалардың кең ауқымын қамтыды. Кәсіби келушілер үшін көрмелер бір жерде әртүрлі елдердің өндірушілері ұсынатын өнімдермен танысуға, өзекті технологияларды зерделеуге, келіссөздер жүргізуге және жаңа іскерлік байланыстар орнатуға мүмкіндік берді.

Іскерлік бағдарлама KazBuild 2026 және Aquatherm Almaty 2026 көрмелерінің маңызды бөлігін құрады. Үш күн ішінде кәсіби күн тәртібі құрылыс саласын реттеудегі өзгерістерді, отандық өндірісті дамытуды, BIM мен цифрландыруды, энергия тиімділігін, сәулетті, урбанистиканы және заманауи инженерлік технологияларды қамтыды.

2 қыркүйекте мына іс-шаралар өтті:

«Жаңа Құрылыс кодексі, салық саясаты және цифрлық реттеу: Қазақстан саласын өзгертетін реформалар» пленарлық сессиясы кәсіби пікірталасты ашты. Сарапшылар жаңа Құрылыс кодексін енгізудің алғашқы қорытындыларын шығарып, құрылыс қауіпсіздігі мен сапасына қойылатын талаптардағы өзгерістерді, салық реформасын, BIM-ді міндетті түрде енгізуді және жобалау саласының трансформациясын қарастырды.

Үлкен терезе форумы, оның аясында «Қазақстанның құрылыс индустриясы: нарықтың жаңа қағидалары және отандық өндірісті дамыту» атты салалық панельдік сессия өтті. HD Magazine панельдік сессиясы – «Орталық Азияның көк-жасыл инфрақұрылымы: девелопмент, инженерия және инвестициялар үшін жаңа нарықтар». Сессия су ресурстарын басқарудың заманауи тәсілдеріне, табиғатқа негізделген инженерлік шешімдерге және орнықты құрылыстың жаңа стандарттарына арналды.

Сәулетшілерге, дизайнерлерге және құрылыс саласының мамандарына арналған практикалық шешімдерді біріктірген Professional TANU Association және TECHNONICOL семинарлары мен шеберлік сабақтары.

3 қыркүйекте мына іс-шаралар өтті:

KAZBUILD MATERIALS FORUM 2026 «Бетон бұйымдары, газдалған бетон және индустрияландыру: экономика, сапа, технологиялар және 2026–2030 жылдарға арналған реттеуші күн тәртібі» атты негізгі тақырып аясында өтті. «Қазақстанның бетон және бетон бұйымдары нарығы – экономика, реттеу, сапа, индустрияландыру» атты орталық пікірталас нарық серпініне, өндірісті дамытуға, құрылыс материалдарының сапасы мен сертификатталуына қойылатын жаңа талаптарға арналды.

«Қазақстанның жылу оқшаулағыш материалдары: нарыққа салалық шолу және энергия тиімділігін арттырудың заманауи тәсілдері» атты сессияда сегменттің дамуына қатысты өзекті көзқарас пен энергияны үнемдейтін заманауи шешімдер ұсынылды.

KAZBUILD URBAN FUTURE FORUM 2026 екі негізгі пікірталасты – «Орта Азиядағы болашақ қалалар: SmartCity, орнықты құрылыс және жаңа қалалық орта» және «Болашақ сәулеті: жаһандық тәжірибе, BIM, параметрлік жобалау және ЖИ шешімдері» тақырыптарын біріктірді. Заманауи қалаларды дамыту, цифрлық технологиялар, сәулет және жобалаудың жаңа тәсілдері басты назарда болды. Форумдағы жарқын практикалық кейстердің бірі AI-native Alatau City тұжырымдамасының таныстырылымы болды. Бұл тұжырымдамада цифрлық сәулет қаланың өзімен қатар дамиды, ал жасанды интеллект басқаруға, инфрақұрылым мен экономикаға интеграцияланып, деректерді талдау, болжау және шешімдер қабылдау үшін пайдаланылады.

4-ші «Технарь PRO Kazakhstan 2026» Монтаждаушылар чемпионаты – санитариялық-техникалық жүйелер мен жабдықтарды монтаждау мамандарының кәсіби жарысы.

Школа Окна+ «Монтаждаушылар шоуы» аясындағы «Шеф-Монтаж» терезе бағытының практикалық бағдарламасын жалғастырды.

4 қыркүйекте бағдарламаны мына іс-шаралар қорытындылады:

Школа Окна+ Үлкен терезе форумы. MARKETING DAY – терезе индустриясындағы маркетинг пен ілгерілетуге арналған кәсіби бағдарлама.

Skyform Studio компаниясының (АҚШ) «Заманауи тартым орталықтары: интерактивті инсталляциялар кеңістікті адамдар қайта оралғысы келетін орындарға қалай айналдырады» атты таныстырылымы.

Material Hub компаниясының «Жеткізуші материалдар үлгілерін ретсіз таратуды қалай тоқтатып, барлық дизайнерлермен байланыс орната алады? Үлгі – сату құралы» атты таныстырылымы.

Ariston Kazakhstan компаниясының «ELCO – жылу өндіру саласындағы заманауи энергия тиімді шешімдер» атты семинары Aquatherm Almaty 2026 көрмесінің бейінді бағдарламасын қорытындылады.

Форматтардың әралуандығы стратегиялық салалық пікірталастар мен практикалық бөлімді – жаңа реттеуді, қалалардың болашағы мен сәулет технологияларын талқылаудан бастап демонстрацияларға, шеберлік сабақтарына және кәсіби жарыстарға дейінгі іс-шараларды біріктіруге мүмкіндік берді. Көптеген мамандар үшін көрмелерге бару кәсіби дәстүрге және жыл сайын нарықтың жаңа қатысушылары мен ұсыныстарымен танысу мүмкіндігіне айналды: «Біз көрмеге Астанадан келдік және оған алтыншы рет қатысып отырмыз. Өз компаниямыз бар, сондықтан көрме біз үшін жаңа компаниялармен және мамандармен танысуға, нарықтағы жаңа ұсыныстарды көруге мүмкіндік береді», – Берекет Карамирзаев, САНТЕХПРОФ.

Соңғы күні KazBuild 2026 көрмесі алаңында халықаралық және кәсіби қоғамдастық өкілдері арасындағы жаңа уағдаластықтар бекітілді. IRIUDC – Iranian Urban Development International Company Удмурт Республикасының «АГ Проджект групп» ЖШҚ, «Кубика» сәулет бюросы» ЖШҚ және жеке кәсіпкер Баталова Ульяна Валерьевнамен өзара түсіністік туралы меморандумдарға қол қойды. Сондай-ақ «TANU MEDIA» ЖШС мен Ресей сәулетшілер одағының Удмурт бөлімшесі ынтымақтастық туралы меморандум жасасты.

Көрмелер Қазақстан Республикасы Өнеркәсіп және құрылыс министрлігінің, Алматы қаласы әкімдігінің, қатысушы елдердің сауда өкілдіктері мен дипломатиялық миссияларының және Школа Окна+ ресми қолдауымен өтті.

«Технарь» оқу орталығы Aquatherm Almaty 2026 көрмесінің іскерлік серіктесі, Smart X сауда маркасы бар «Бастау Алматы» ЖШС KazBuild 2026 көрмесінің терезе технологиялары секторының іскерлік бағдарламасының ресми серіктесі, ал «Меезенбург Қазақстан» ЖШС серіктесі болды.

Ұйымдастырушы – Қазақстандық Iteca көрме компаниясы және оның халықаралық серіктесі – ICA Events компаниялар тобы.