ATYRAU OIL & GAS 2025: МҰНАЙ-ГАЗ САЛАСЫНДАҒЫ ИННОВАЦИЯЛАРҒА, БИЗНЕСКЕ ЖӘНЕ САЛАНЫҢ НЕГІЗГІ ТАЛҚЫЛАРЫНА АРНАЛҒАН ПЛАТФОРА

2025 ЖЫЛҒЫ 2–4 СӘУІР АРАЛЫҒЫНДА АТЫРАУ ҚАЛАСЫНДА 22-ШІ СОЛТҮСТІК КАСПИЙ ӨҢІРЛІК КӨРМЕСІ – ATYRAU OIL & GAS 2025 ЖӘНЕ 22-ШІ СОЛТҮСТІК КАСПИЙ ӨҢІРЛІК ҚҰРЫЛЫС ЖӘНЕ ИНТЕРЬЕР КӨРМЕСІ – ATYRAUBUILD 2025 ӨТЕДІ.

Көрмелер мұнай-газ және құрылыс салаларының жетекші өкілдері үшін тиімді ынтымақтастық алаңы болады.

Биылғы жылы Atyrau Oil & Gas көрмесіне Австрия, Германия, Италия, Қазақстан, Қытай, Нидерланд, БАӘ, Пәкістан, Ресей және Сингапурдан 71 мұнай-газ компаниясы қатысады. Алғаш рет ARCONMET, Beruseal Caspian, Caspian Resources & Technical Services, IEC ENERGY GmbH, PITON ELECTRIC KAZAKHSTAN, SDM Lifting және басқа да компаниялар қатыспақ. Бұл шетелдік компаниялардың Қазақстан мұнай-газ нарығына деген қызығушылығының артып келе жатқанын көрсетеді. Экспо-шара мұнай-газ өндіруші компаниялар, мұнай-газ барлау және өндіру, мұнай-газ жабдықтары, мұнайсервис компаниялары, жеке және өндірістік қорғаныс құралдары, автоматтандыру және аспаптық бақылау сияқты кең ауқымды бағыттарды қамтиды.

Көрмеде Италиядан келген 18 өндіруші ерекше назарға ие болады. Олар өздерінің жетістіктерін кең ұлттық экспозицияда ұсынады. Экспозицияға қатысушы компаниялар сапаны бақылау және технологиялық процестерді автоматтандыруға арналған жабдықтар, активтерді басқару және деректерді мониторингтеу бағдарламалық қамтамасыз етуі, клапандар, фитингтер, мұнай-газ өнеркәсібіне арналған жабдықтар және басқа да қызметтерді таныстырады. Бұл экспозиция қатысушылар мен келушілер үшін италиялық жетістіктермен танысуға және болашақ саланы қалыптастыратын компаниялармен іскерлік байланыстар орнатуға бірегей мүмкіндік береді.

Сонымен қатар AtyrauBuild құрылыс және интерьер көрмесі де өтеді, оған 4 компания қатысады. AtyrauBuild құрылыс саласына арналған негізгі шешімдерді ұсынады: құрылыс материалдары мен жабдықтары, әрлеу материалдары мен интерьер шешімдері, терезелер, есіктер мен қасбеттер, жылыту және желдету жүйелері, сумен жабдықтау және сантехника, керамика мен тас, жол құрылысы, сондай-ақ сумен жабдықтау және канализация.

Ауқымды экспозициядан бөлек, қонақтарды мұнай-газ саласының негізгі мәселелерін қамтитын мазмұнды екі күндік іскерлік бағдарлама күтіп тұр. 2 сәуірде «Цифрландыру және мұнай-газ химиясы: Қазақстан мұнай-газ саласының болашағы» атты панельдік пікірталас өтеді. Оған PETROCOUNCIL мұнай-газ кеңесінің төрағасы Асылбек Жақиевтің «Қазақстандағы мұнайсервис нарығы үшін жаңа жобалардағы мүмкіндіктер туралы нарықты хабардар ету» тақырыбындағы баяндамасы, сондай-ақ саланың өзекті мәселелеріне арналған екі арнайы сессия кіреді.

«Мұнай-газ химиясындағы жаңа жобалардың перспективалары мен сын-тегеуріндері» сессиясында Қазақстандағы мұнай-газ химиясының ағымдағы және жоспарланған стратегиялары, жаңа жобаларға инвестиция тарту бағдарламалары мен ынталандыру шаралары, экологиялық стандарттарды ескере отырып тұрақты дамуды қамтамасыз ету тетіктері мен инновациялық технологияларды енгізу мәселелері талқыланады. Талқылауға ҚР Энергетика вице-министрі, «Samruk-Kazyna Ondeu» басқарма төрағасы, «ҚазМұнайГаз» ҰК АҚ басқарма төрағасының орынбасары, «Силенно», «Бутадиен» және «KMG PetroChem» компанияларының бас директорлары қатысады. Сессия ашық диалогпен аяқталады, онда қатысушылар сарапшыларға өздерін қызықтырған сұрақтарын қоя алады.

«Мұнай-газ саласына цифрлық шешімдерді енгізудің болашақ перспективалары» атты сессияда үлкен деректер, IoT, автоматтандыру, жасанды интеллект және блокчейнді қолдану, сондай-ақ олардың бизнес-процестерді оңтайландыруға және мұнай-газ саласының тиімділігін арттыруға ықпалы талқыланады. Ерекше назар Қазақстанға мұнай-химия секторында көшбасшылық орынды қамтамасыз ете алатын инновациялық шешімдерге аударылады. Барлық сұрақтарға ҚР Энергетика вице-министрі Бақытжан Ильяс, «ҚазМұнайГаз» ҰК АҚ, ТШО, NCOC және KPO өкілдері жауап береді.

4 сәуірде біздің серіктесіміз – Petrocouncil мұнай-газ кеңесі «PetroDigital 2025» атты III жыл сайынғы форумды ұйымдастырады. Оған Қазақстан мен өзге елдердің жетекші мұнай-газ және мұнайсервис компанияларының 300-ден астам цифрлық көшбасшылары қатысып, саладағы цифрлық технологияларды енгізудің үздік тәжірибелерін талқылайды.

Atyrau Oil & Gas 2025 мұнай-газ саласының жетекші сарапшыларын, бизнес-көшбасшыларын және мемлекеттік құрылымдардың өкілдерін біріктіретін маңызды салалық шара ретіндегі маңыздылығын тағы да дәлелдейді. Үш күн ішінде қатысушылар іскерлік байланыстар орнатып, озық технологияларды зерттеп, Қазақстан мұнай-газ секторының даму перспективаларын талқылай алады.

Шараға ресми қолдау көрсететіндер: ҚР Энергетика министрлігі, Атырау облысы әкімдігі, «ҚазМұнайГаз» ҰК АҚ, «KAZENERGY» Қазақстан мұнай-газ және энергетика кешені ұйымдары қауымдастығы, PETROCOUNCIL мұнай-газ саласындағы стратегиялық серіктестікті дамыту кеңесі, «KazService» Қазақстандық сервис компанияларының одағы, Қазақстан мұнайшылары мен геологтары қоғамы (ҚОНГ).

Шараның ұйымдастырушысы – Қазақстандық көрме компаниясы Iteca және оның халықаралық серіктесі – ICA Events компаниялар тобы.