АЛҒАШ РЕТ PLASTEX QAZAQSTAN ХАЛЫҚАРАЛЫҚ КӨРМЕСІ АЛМАТЫДА ӨТЕДІ

2025 ЖЫЛДЫҢ 12-14 ҚАРАША АРАЛЫҒЫНДА ЕЛІМІЗДІҢ ОҢТҮСТІК АСТАНАСЫНДА АЛҒАШ РЕТ PLASTEX QAZAQSTAN ПЛАСТМАССА ЖӘНЕ ХИМИЯ ӨНЕРКӘСІБІНІҢ ХАЛЫҚАРАЛЫҚ КӨРМЕСІ ӨТЕДІ.

Іс-шара химия және полимер материалдар, 3D-баспа, қайталама ресурстарды қайта өңдеу және «жасыл» технологияларды енгізу саласындағы соңғы жетістіктерді көрсету үшін негізгі алаңға айналады. Жылдам технологиялық прогресс және жаһандық сын-қатерлер жағдайында химия және полимер индустриясы тұрақты экономиканы қалыптастыруда жетекші рөл атқарады. Бүгінгі таңда инновациялық материалдарды әзірлеу, өндірістік процестерді цифрландыру, экологиялық тазалықты арттыру және ұлттық кәсіпорындардың бәсекеге қабілеттілігін арттыру мәселелері ерекше маңызға ие болып отыр, және мұндай көрменің Қазақстанда өткізілуі ерекше өзекті болып отыр.

Бүгінгі күні көрме алаңының 60% Иран, Қазақстан, Қытай, Ресей және Түркия компаниялары тарапынан брондалған, бұл іс-шараға жоғары қызығушылықты және оның халықаралық ауқымын растайды. Экспозиция полимерлерді қайта өңдеу технологиялары мен жабдықтарын, автоматтандыру және периферия, өндіріс үшін шикізат пен материалдар, пресс-формалар мен жабдықтар, композиттер өндірісі, полиуретандар, резеңке және резеңке техникасы, 3D-баспа және цифрлық өндіріс, гидравликалық және пневматикалық жүйелер, дайын өнімдер мен бөлшектер, сондай-ақ қайталама өңдеу және регенераттарды қамтитын кең ауқымды бағыттарды қамтиды.

Компаниялар полимерлер өндірісі үшін шикізат: ПВХ-шайыр, полиэтилен және полипропиленді қоса алғанда; заманауи жабдықтар — экструдерлер, пластмассаларды қайта өңдеу желілері, флексографиялық баспа машиналары және қысыммен құю қондырғыларын; орау шешімдері — өнеркәсіптік және орау ленталары, контейнерлер мен пленкалар үшін материалдар; сондай-ақ композиттер, жабындар және жоғары технологиялық материалдар саласындағы инновациялық әзірлемелерді ұсынады. Мұндай әртүрлілік сала мамандарына химия өнеркәсібінің заманауи трендтері мен мүмкіндіктері туралы толық түсінік алуға мүмкіндік береді.

Plastex Qazaqstan-ның ажырамас бөлігі мемлекеттік органдар, бизнес және сараптамалық қауымдастық өкілдерін біріктіретін қаныққан іскерлік бағдарлама болады. 12 қарашада, бірінші күні, орталық оқиға «Қазақстандағы пластмасса нарығының даму тенденциялары және халықаралық тауар нарықтарындағы негізгі ойыншылар» кеңейтілген пленарлық отырысы болады. Ашылу салтанаты және экспозиция бойынша VIP-турдан кейін қатысушылар стратегиялық сессия «Жергілікті өндірісті дамыту: автомобиль жасаудағы химияның рөлі» аясында талқылауды жалғастырады.

Екінші күн, 13 қараша, саладағы негізгі сын-қатерлерге шешім іздеуге арналады: назарда экологиялық, технологиялық және экономикалық аспектілер болады. Күн бойы пластик пен қайталама материалдарды қайта өңдеу, инновацияларды енгізу және химиялық қайта өңдеу, сондай-ақ мемлекеттік қолдау механизмдері, инвестициялық тартымдылық және Қазақстанда терең қайта өңдеудің рентабельділігі туралы тақырыптық пікірталастар өтеді.

Plastex Qazaqstan бизнес, ғылым және мемлекеттік қолдау арасындағы диалог үшін бірегей алаңға айналады, өндірушілерді, инвесторларды және сала сарапшыларын біріктіреді. Мұнда жаңа серіктестіктер құрылып, ұзақ мерзімді келісімшарттар жасалып, Қазақстан мен аймақтың химия өнеркәсібінің стратегиялық даму бағыттары талқыланады.

Көрме ҚР Индустрия және құрылыс министрлігінің, «Казхимия», Qazindustry, «Самұрық Қазына Өңдеу», Қазақстан ораушылар қауымдастығы, Қазақстанның қайталама шикізатты қайта өңдеушілер қауымдастығы, Тұрақты даму және экология орталығы CSD Center және басқа да профильді ұйымдардың қолдауымен өткізіледі, бұл оның саланы дамыту үшін стратегиялық маңыздылығын растайды.

Көрменің ұйымдастырушылары қазақстандық көрме компаниясы Iteca және оның халықаралық серіктесі ICA Events компаниялар тобы.

KazAtomExpo 2025 — бұл компанияларға өз әзірлемелерін ұсынуға, жаңа серіктестер табуға, тәжірибе алмасуға және Қазақстанда ғана емес, бүкіл аймақта атом энергетикасының болашағын қалыптастыратын ауқымды өзгерістердің бір бөлігі болуға бірегей мүмкіндік.