POWEREXPO ALMATY 2026 ҚАЗАҚСТАННЫҢ ЭНЕРГЕТИКА САЛАСЫН ДАМЫТУ ҮШІН 11 ЕЛДІҢ 284 КОМПАНИЯСЫН БІРІКТІРЕДІ

2026 ЖЫЛҒЫ 21–23 ҚАЗАН АРАЛЫҒЫНДА «ЭНЕРГЕТИКА, ЭЛЕКТРОТЕХНИКА ЖӘНЕ ЭНЕРГЕТИКАЛЫҚ МАШИНА ЖАСАУ» АТТЫ 24-ШІ ҚАЗАҚСТАНДЫҚ ХАЛЫҚАРАЛЫҚ КӨРМЕ – POWEREXPO ALMATY 2026 ӨТЕДІ.

Іс-шара дәстүрлі түрде энергетикалық жабдық өндірушілерінің, технологиялық шешімдер жеткізушілерінің, сала мамандары мен іскерлік қоғамдастық өкілдерінің өзара іс-қимылына арналған кәсіби алаң ретінде қызмет еткелі тұр.

Биыл көрме экспозициясы 11 елдің 284 компаниясын біріктіреді. Олардың қатарында Аустрия, Беларусь, Германия, Үндістан, Қазақстан, Қытай, Польша, Ресей, Түркия, Франция және Чех Республикасы бар. Халықаралық секторда 224 компания, қазақстандық секторда 60 кәсіпорын ұсынылған, оның ішінде 22 отандық өндіруші бар. Қытай, Қазақстан және Ресей компаниялары ең көп ұсынылған. Халықаралық экспозицияны Мордовия Республикасының, Челябі облысының және Санкт-Петербургтің Экспортты қолдау орталығының ұжымдық стендтері толықтырмақ.

Жетекші отандық және шетелдік кәсіпорындардың қатысуы кәсіби байланыстарды кеңейтуге, салалық тәжірибе алмасуға және халықаралық кооперацияны дамытуға ықпал етеді. Powerexpo Almaty заманауи әзірлемелерді таныстыруға, тікелей іскерлік байланыстар орнатуға және Қазақстанның энергетикалық инфрақұрылымына технологиялық шешімдерді енгізу перспективаларын талқылауға мүмкіндік береді.

Көрменің маңызды бөлігі – іскерлік бағдарлама. Оның басты оқиғасы Энергетиктер форумы 2026 болмақ. Екі күн бойы мемлекеттік құрылымдардың, салалық ұйымдардың және сарапшылар қоғамдастығының өкілдері электр энергетикасы кешенін дамытудың басым бағыттарын, инфрақұрылымды жаңғырту, инвестиция тарту және инновациялық технологияларды енгізу мәселелерін қарастырады.

21 қазанда форум жұмысы «Алматы энергетикасы: 105 жылдық даму және жаңа өсу нүктелері» атты пленарлық сессиядан басталады. Бағдарлама «Болашақ генерациясы: Қазақстанның энергетикалық теңгерімі қандай болуы керек?» және «Қазақстанның жылу энергетикасы: жылу көздерін, жылу желілерін жаңғырту және жаңа технологиялар» атты стратегиялық сессиялармен жалғасады.

22 қазанда талқылаулар атом энергетикасының перспективаларына, инфрақұрылымдық жобаларды қаржыландыру тетіктеріне және цифрлық технологиялардың артып келе жатқан рөліне арналмақ. Бағдарламаға «Қазақстанның атом энергетикасы: халықаралық ынтымақтастық, технологиялар және оқшаулау», «Цифрлық экономикаға арналған энергия: жасанды интеллект пен деректер орталықтары жаңа тұтынушы ретінде» атты стратегиялық сессиялар, сондай-ақ «Энергетикалық жобалардың салықтық және қаржылық архитектурасы: ұзақ мерзімді капиталды қалай тартуға болады» атты практикалық сессия кіреді.

23 қазанда іскерлік бағдарлама ҚазЭПИ және Green Platform Kazakhstan ұйымдастырған III ҚазЭнергоОТП-2026 форумымен жалғасады. Іс-шара аясында «Балқаш АЭС-інің жеткізушісі қалай болуға болады?», «Қазақстандағы оқшаулауды қалай жеделдетуге болады?» және «Smart-энергетика – Қазақстанды өзгертетін тренд» атты панельдік сессиялар өтеді. Негізгі назар отандық өндірісті дамытуға, қазақстандық кәсіпорындардың энергетикалық жобаларға қатысуын кеңейтуге және зияткерлік технологияларды енгізуге аударылмақ.

Іскерлік бағдарламаның алтын серіктестері – Assystem және TKIL Industries Pvt. Ltd., қола серіктестері – Mitsubishi Heavy Industries Group және Boltcomm.

Powerexpo Almaty 2026 мемлекет, бизнес және кәсіби қоғамдастық арасындағы өзара іс-қимылды нығайтуға ықпал етеді. Халықаралық экспозиция мен саланың өзекті күн тәртібін біріктіре отырып, көрме технологиялық ынтымақтастыққа, отандық өндірісті дамытуға және Қазақстанның энергетика секторының стратегиялық міндеттерін іске асыруға қосымша мүмкіндіктер жасайды.

Көрме Қазақстан Республикасының Энергетика министрлігінің, Алматы қаласы әкімдігінің, «Атамекен» ҚР ҰКП-ның, KAZENERGY, «Самұрық-Энерго» АҚ, KEGOC, Қазақстан электр энергетикалық қауымдастығының, ҚР энергетик-инженерлер одағының, «Ұлттық энергия үнемдеу орталығы» АҚ-ның, QAZAQ GREEN ЖЭК қауымдастығының, Қазақстанның энергиямен жабдықтаушы ұйымдары қауымдастығының және Қазақстанның энергия аудиттері қауымдастығының ресми қолдауымен өтеді.

Powerexpo Almaty 2026 көрмесін Қазақстандық Iteca көрме компаниясы және оның халықаралық серіктесі – ICA Events компаниялар тобы ұйымдастырады.