2024 ж. 4 Қазан

TRANSLOGISTICA KAZAKHSTAN 2024 ӘЛЕМДІК КӨЛІК ЖӘНЕ ЛОГИСТИКА САЛАСЫНЫҢ КӨШБАСШЫЛАРЫН АСТАНАДА БІРІКТІРІП, ЖАҢА МҮМКІНДІКТЕРДІ АШАДЫ

2024 ЖЫЛДЫҢ 9-11 ҚАЗАНЫ АРАЛЫҒЫНДА АСТАНАДАҒЫ «EXPO» ХАЛЫҚАРАЛЫҚ КӨРМЕ ОРТАЛЫҒЫНДА 27-ШІ ҚАЗАҚСТАНДЫҚ ХАЛЫҚАРАЛЫҚ «КӨЛІК ЖӘНЕ ЛОГИСТИКА» КӨРМЕСІ - TRANSLOGISTICA KAZAKHSTAN 2024 ӨТЕДІ.

Өз стендтерін 19 елден, соның ішінде Австрия, Әзірбайжан, Беларусь, Германия, Грузия, Қазақстан, Қытай, Литва, Латвия, БАӘ, Ресей, Түрікменстан, Түркия, Өзбекстан, Швейцария және Эстония сияқты 200-ден астам компания ұсынады. Литва, Латвия және Эстония ұлттық стендтермен қатысады. Экспо-шараға Қазақстаннан 100-ден астам компания өкілдері, сондай-ақ шамамен 110 халықаралық қатысушы жиналады, бұл қазақстандық көлік-логистика нарығына әлемдік деңгейде жоғары қызығушылықты көрсетеді.

TransLogistica Kazakhstan 2024 көрмесі аясында бай және көпқырлы іскерлік бағдарлама өтеді, ол экспозицияға маңызды қосымша болып, қатысушыларға кәсіби қарым-қатынас, тәжірибе алмасу және көлік-логистика саласын дамытудағы өзекті мәселелерді талқылау үшін бірегей мүмкіндіктер ұсынады. Алғаш рет конференциялар өтеді: «Қазақстанда теміржол көлігі мен инфрақұрылымын дамыту», «Үлкен және ауыр жүктерді тасымалдау BreakBulk Kazakhstan», «Көлік және логистикадағы IT шешімдер». 9 қазанда «Қазақстан-Нидерланды» іскерлік кеңесі өтеді, оған БЕНЕЛЮКС елдерінің көлік компаниялары, порттары, терминалдарының басшылары қатысады, бұл көлік-логистика саласындағы елдер арасындағы экономикалық ынтымақтастықты нығайтуға арналған. Сондай-ақ, кеңес аясында В2В кездесулер өткізіледі, онда қатысушылар ынтымақтастық мәселелерін тікелей талқылап, жаңа серіктестер тауып, өзара тиімді келісімдер жасай алады. Сол күні OkLog кешенді жүйесі таныстырылады.

10 қазандағы іскерлік бағдарламаның контентіне мыналар кіреді: III Халықаралық Конференция «Қазақстандағы қойма логистикасы нарығы», «TRANSEXPEDITIONS» ЖШС-нің семинарлар сериясы және латвиялық SIA SIGIS компаниясының тасымалдауды басқарудың автоматтандырылған жүйесін (АСУП) таныстыруы. Соңғы күн, 11 қазан, TLKMedia-мен бірлесіп ұйымдастырылған EXPERT TALKS іс-шарасы аясында сериялы сараптамалық пікірталастарға арналады, онда қазақстандық көлік апталығының қорытындылары шығарылып, саланың одан әрі даму перспективалары талқыланады. Барлық іскерлік іс-шаралардың тікелей трансляциясын TransLogistica Kazakhstan оқиғасының Facebook парақшасында online режимінде көруге болады.

Көрменің ұйымдастырушылары Қазақстандық көрме компаниялары Iteca және Атакент-Экспо, халықаралық серіктес - ICA Events компаниялар тобы. Тіркеу серіктесі - BMF Port Burgas компаниясы. Жолсілтеме серіктесі - НОВОТЭК компаниясы. Фотоаймақ серіктесі - Победит Транс компаниясы.

Іс-шара дәстүрлі түрде Қазақстан Республикасы Көлік министрлігінің, «Қазақстан Темір Жолы» ҰК АҚ, ҚР Ұлттық кәсіпкерлер палатасы «Атамекен», Ұлттық Экспедиторлар Ассоциациясы, Қазақстан көлікшілер одағы «KAZLOGISTICS», Қазақстан вагон тасымалдаушылары мен операторлары қауымдастығы, Chartered Institute of Logistics and Transport Central Asia қолдауымен өтеді.

Іс-шараның сайты туралы толық ақпарат: